Skip to Content

Fundur með kynningu

Tími: 
18. nóvember 2010 - 16:45
Staðsetning: 
Stofu 157 í VR-II við Hjarðarhaga

Fundur verður í Íslenska stærðfræðafélaginu fimmtudaginn 18. nóvember í stofu 157 í VR-II.

Fundurinn hefst með veitingum að hefðbundnum hætti frá kl. 16:45. Að þeim loknum, eða klukkan 17:15, munu þeir Einar Bjarki Gunnarsson, Guðmundur Einarsson og Jóhann Sigursteinn Björnsson kynna safn stærðfræðihugtaka sem þeir unnu síðastliðið sumar á vefnum www.stæ.is.

Fundur með erindi

Tími: 
20. október 2010 - 16:45
Staðsetning: 
Stofa 254 í Menntaskólanum í Reykjavík

Það verður fundur með erindi hjá Íslenska stærðfræðafélaginu miðvikudaginn 20. október í stofu 253 í Menntaskólanum í Reykjavík (sjá nánar um staðsetningu að neðan). Allir eru velkomnir. Fundurinn hefst með veitingum að hefðbundnum hætti frá kl. 16:45.

Að þeim loknum, eða klukkan 17:15, flytur Bjarni Vilhjálmur Halldórsson dósent við Háskólann í Reykjavík erindi sem hann nefnir: Ferðasaga frá ólympíuleikunum í stærðfræði í Kazakhstan.

Mittag-Leffler stofnunin

Mittag-Leffler stofnunin auglýsir styrki fyrir nýdoktora í tenglsum við áherslusvið stofnunarinnar næsta vetur. Þau eru "Complex analysis and integrable systems" haustið 2011 og "Geometric and analytic aspects of group theory" vorið 2012.

Jafnframt auglýsir stofnunin eftir tillögum að áherslusviðum veturinn 2013-14.

Frekari upplýsingar er að finna á www.mittag-leffler.se

Nordic GeoGebra 2010

Dagana 12. – 14. ágúst 2010 fer fram ráðstefnan Nordic GeoGebra 2010 á Menntavísindasviði HÍ við Stakkahlíð, http://vefsetur.hi.is/ngg2010 .

Ráðstefnan er skipulögð af aðilum frá öllum norðurlöndunum ásamt Eistlandi og Litháen. Þetta er fyrsta ráðstefnan af þremur sem haldin verður á vegum Nordic GeoGebra Network (NGGN) sem er nýstofnað netverk styrkt af Nordplus Horizontal áætluninni.

Fundur með erindi

Tími: 
7. apríl 2010 - 16:45
Staðsetning: 
Stofa 158 í VR-II við Hjarðarhaga

Fundurinn hefst með veitingum að hefðbundnum hætti frá kl. 16:45.

Að þeim loknum, eða klukkan 17:15, flytur Michael S. Keane prófessor við Wesleyan Háskóla í Bandaríkjunum erindi sem hann nefnir: The essence of the law of large numbers.

Fundur með erindi

Tími: 
25. mars 2010 - 16:30
Staðsetning: 
Stofa M1.08 í nýrri byggingu Háskólans í Reykjavík við Nauthólsvík

Fyrir fundinn mun Magnús Már Halldórsson leiða áhugasama um ný húsakynni Háskólans í Reykjavík. Mun sú leiðsögn hefjast kl. 16:30 og að henni lokinni verður boðið upp á veitingar að hefðbundnum hætti.

Klukkan 17:15 flytur svo Úlfar Stefánsson erindi sem hann nefnir: Almennt um þverstæðar margliður og sérstaklega um Müntz margliður.

Aðalfundur 2010

Tími: 
6. janúar 2010 - 16:00
Staðsetning: 
Stofu 11 í Menntaskólanum við Hamrahlíð

Á dagskrá fundarins verða hefðbundin aðalfundarstörf.

Jólafundur 2009

Tími: 
28. desember 2009 - 16:00
Staðsetning: 
Skólabæ, Suðurgötu 26

Jólafundur félagsins hefur í gegnum tíðina mótast af hinu alíslenska jólaboði. Auk þess að drekka kaffi og súkkulaði og borða smákökur hafa félagsmenn hlýtt á óformlegt erindi. Að þessu sinni mun Benedikt Jóhannesson segja frá Eystrasaltskeppninni. Við hvetjum alla til að mæta, sérstaklega þá félagsmenn sem hafa aðsetur í útlöndum.

Ráðstefna og námskeið um stærðfræðikennslu

Dagana 15.-16. október verður ráðstefnan „Challenges in teaching mathematics: Becoming special for all“ haldin í húsnæði Menntavísindasviðs HÍ við Stakkahlíð. Í tengslum við hana verður námskeiðsdagur fyrir kennara14. október. Frestur til að skila inn erindum er til 30. júní. Skráning fer fram á vef ráðstefnunnar http://stofnanir.hi.is/norsma/ og þar er tengill fyrir skráningu erinda.

Ráðstefna um sögu stærðfræði

Dagana 21. – 23. júní verður haldin alþjóðleg ráðstefna um sögu stærðfræðimenntunar á vegum Rannsóknarstofu um stærðfræðimenntun, Menntavísindasviði Háskóla Íslands. Ráðstefnan verður haldin í Fjölbrautaskólanum í Garðabæ. Á ráðstefnunnni flytja meðal annarra fjórir íslenskir fræðimenn erindi ásamt mörgum hinna þekktustu erlendu fræðimenna á þessu sviði. s.s. Jeremy Kilpatrick og Bernard Hodgson, aðalritari ICMI, International Commission on Mathematics Instruction.

Syndicate content