Keppnin 2020-2021

Forkeppni

Forkeppni stærðfræðikeppni framhaldsskólanema fór fram rafrænt þriðjudaginn 13. október 2020. Öllum framhaldsskólanemum var velkomin þátttaka og alls tóku 32 keppendur þátt á neðra stigi en 76 keppendur á efra stigi. Það er þónokkur fækkun þátttakenda frá fyrri árum en líklega má skýra það með breyttum aðstæðum.

Neðra stig keppninnar var opið nemendum sem hófu nám í framhaldsskóla árið 2020 og efra stig var opið öllum framhaldsskólanemendum. Einnig var ensk útgáfa keppninnar í boði fyrir þau sem þess óskuðu.

Hlekkir á rafræna prufukeppni voru virkir helgina áður en keppni fór fram til að nemendur gætu glöggvað sig á rafrænu umhverfi keppninnar.

Efstu nemendum á hvoru stigi býðst þátttaka í úrslitakeppni sem fram fer í byrjun mars 2021.

Efst á neðra stigi voru:

Efst á efra stigi voru:

Eystrasaltskeppnin

Eystrasaltskeppnin var haldin laugardaginn 14. nóvember kl. 8:30-13:00 og var stýrt af nokkrum þátttökulanda Eystrasaltskeppninnar. Hver þjóð þreytti keppnina í sínu landi.

Liðið skipuðu Arnar Ingason, Benedikt Vilji Magnússon, Brimar Ólafsson, Jón Hákon Garðarsson og Jón Valur Björnsson, allir úr Menntaskólanum í Reykjavík. Liðinu gekk vel, og hafnaði með 21 stig, sem er besti áragnur Íslands í Eystrasaltskeppninni síðan 2017. Liðstjórar voru Álfheiður Edda Sigurðardóttir og Jóhann Ólafur Sveinbjarnarson.

Það má líka finna okkur á Facebook.